stuur 'n geskenk van tuisgemaakte lekkerte     *    stuur 'n geskenk van tuisgemaakte lekkerte     *    stuur 'n geskenk van tuisgemaakte lekkerte     *    stuur 'n geskenk van tuisgemaakte lekkerte
     
   

  WINTER TOER PROGRAM

  
       
       
   

Winter in die Kaap is die geheime seisoen. Geheime dae wat helder skoon en asemrowend mooi is.

  
   

. . . . . . . . . . . . . .

  
       
   
Dag 1:

Arriveer by Kaapstad Internasionale Lughawe in die oggend.

Gaste word vervoer vanaf die lughawe na Stellenbosch vir   'n tradisionele ete van osstert, afval & heerlike   tuisgemaakte plaasgroente aan die familie tafel van  Meerlust Landgoed. Natuurlik word elke gereg bedien met die befaamde Meerlust wyne. Die middagete word gevolg deur 'n wyntoer, waar gaste die kelders besoek, en wyn     uit die vate proe. Ons maak ook 'n draai by die graf van     die alombekende Hongaarse wyn guru Desiderius Pongracz, wat tragies oorlede is in 'n motor ongeluk op Polka Draai in die middel 80’s. Suid Afrika se Method Cap Classique is vernoem na hierdie wereldbekende wynboukundige.
 		  
    Oppad na ons gastehuis in die Jonkershoekvallei sal ons by die Huis van JC le Roux vertoef, en proe aan hulle reeks van baie spesiale vonkelwyne.

Gaste oornag in 'n gaste huis in die pragtige Jonkershoekvallei, en die aand geniet ons 'n private funksie met tuisgemaakte en handgemaakte kase en komplimentere wyne.		  
       
     

Dag 2:

Ontbyt word genuttig by die gastehuis. Na ontbyt gaan soek ons wilde porcini sampioene (as die weer dit toelaat). Wilde sampioene het 'n heerlike rokerige, geur en is wonderlik om te gebruik in pastas, risotto’s, wildsvleis geregte, of alleen saam met lekker vars gebakte brood. Daarna woon ons 'n “porcini” kookdemonstrasie by, en eet alte lekker saam aan die kos en die wyn

wat die beste daarby pas.

 

Na middagete vertrek ons na Montagu en die Koo Valley (deel van die

 
   

befaamde Route 62) Ons doen mee aan 'n olyf toer waar ons meer leer oor die helende aspekte van olyf rome en

balsems. Ons oornag die aand in die plaaslike Montagu hotel met die eienaar Gert Lubbe as ons gasheer. Die hotel

het 'n klein “spa”    met 'n warm water bron en daar is ook 2 kroee en 3 klaviere! Gaste kan hulle regmaak vir groot ontspanning en plesier.

 
       
   
Dag 3:
 
Ons begin die dag om te leer hoe om wyn te versnit. Gaste kry 'n geleentheid om hulle wyn te versnit en dan self te drink! Ons proe ook lekker aan droevrugte en neute van die omgewing. Middagete is 'n spesiale ete van wildsvleis – Springbok Filet, Montagu pruimedante, port en pancetta.

Die area is ook baie bekend vir hulle kase en op versoek kan ons 'n plaaslike skaap- kaas fabriek besoek. Die aand kuier ons heerlik in die Montagu Hotel en proe allerhande vleise, biltong en droewors.
 
       
    Dag 4:

Ons ry via Kleinbaai (Walker Bay area) terug Kaap toe. Vir 'n oulaaste lekkerte geniet ons middagete in die Hemel en Aarde vallei by die Newton Johnson wynkelder.

Dan reguit Kaap toe om terug te vlieg huis toe teen ongeveer 17.00 of later.		  
       
   

Hoogepunte:

Wyn versny

Porcini (sampioene) pluk

Wildsvleis proe

Afval en biltong proe

  
   

. . . . . . . . . . . . . .

  
       
   

vir bespreking na LekkerBek se Kook Toer